Tyrwa ka sorkar ban iada kyrpang ia ki artylli ki jaka sahnam ba la rim ha East Khasi Hills

Syllad | The Rising MeghalayaOctober 25, 2023

Ka Tnat Arts and Culture ka sorkar jylla lyngba u Bah FR Kharkongor, IAS, Commissioner and Secretary haka sngi Balang, ula pyntip ba lyngba ka jingpynkup bor hapoh ki kyndon Section 3 (1) (2) jong ka Meghalaya Heritage Act 2012,  ka buh ka jingtyrwa ban pynbna ia ki artylli ki jaka sahnam ba la pynneh pynsah da uba rim ne ki Archaeological Site hapoh East Khasi Hills kum ki jaka ban ioh ia ka jingiada kaba kyrpang.

Kine ki kynthup ia ka jaka ba la pynneh kyrpang kaba don ha ka shnong Myrkhan kaba hap hapoh Mylliem Block, East Khasi Hills bad ki Mawbynna ne ki Megalith Monuments hapoh Rynghep, Nongkseh, East Khasi Hills.

Kino kino ki jingpynpaw pyrshah ha kaba iadei bad kane ka jingpynbna, lada ki don ki dei ban phah hapoh ka laiphew sngi naduh ka sngi ba la pynmih ia kane ka jingpynbna paidbah.