U-15 Inter District Cricket: Lait ka East Jaintia Hills naka jingshah rem haka WJH

Syllad | The Rising MeghalayaMarch 21, 2023

Ka East Jaintia Hills District Cricket Association kala lait naka jingshah rem naka jingsniew ka suin bneng haka West Jaintia Hills District Cricket Association hadien ba kala kamai tang 20 run haka wat kaba nyngkong haka lympung ialehkai U-15 Inter District Cricket kaba long haka Zone 1 ha Umbuda, Ribhoi.

Ka East Jaintia Hills ha kane ka jingiakhun kala iakynduh mawsiang ban kamai run, hadien ba ki nongtied jong kila liem uwei hadien uwei bad kamai tang 20 run haka wat kaba nyngkong (first innings). Ka EJH kala liem iaka toss bad ka WJH kala ailad shuwa iaka ban tied.

U Stevenson M Sten (4/5), Maremdorkini Sutnga (3/2) bad u Neheimaia Gatphoh (2/1) ki dei ki nongkawang ball ka WJH kiba ioh khubr wicket.

Ka WJH haba poi pali jong ka ban tied kala kamai 12 run liem 1 wicket na ki 6 over.

Haka jingialehkai haka Zone 2, ka West Khasi Hills District Cricket Association kaba la jop iaka toss kala ailad iaka South Garo Hills District Cricket Association ban tied shuwa ha kaba kala kamai 184/10 naka 57.5 over, katba ka WKH kala kamai 10/0 haka shi over shuwa ban pynwai iaka jingiakhun jong ka sngi.