U Bah John Kharshïing kum u vice president ka National Rifle Association of India

Syllad | The Rising MeghalayaSeptember 19, 2021

U Bah John Kharshïing, president Shooting Association Meghalaya (SAM) ula shah jied kum u vice president jong ka National Rifle Association of India (NRAI) nalor 7 ngut kiwei pat ki vice president. Kane ka jingshah jied vice president naka thain sahtei lammihngi kan dei ka sien kaba nyngkong eh haka history jong ka NRAI.

Kane ka jingjied nongkitkam ka NRAI kala long haka sngi Saitjain ha IS Bindra. Cricket Stadium, Mohali, Punjab. U Raninder Singh ula shah jied biang kum u president bad kane ka dei ka sien kaba saw ba un shah jied kum u nongialam ka NRAI.

U Neil Sootinck general secretary SAM ula shah jied kum u dkhot jong ka governing body ka NRAI ha ryngkat ki 15 ngut kiwei pat ki dkhot n aka bynta ka samoi treikam 2021-25.

U Kanwar Sultan Singh u la shah jied khlem da don ki nongialeh pyrshah kum u secretary general, u  Randeep Mann ruh u la jop suk khlem da don kano kano ka jingiakhun kum u treasurer.

U MP barim na Odisha u nongiasiat u ba paw u Kalikesh Narayan Singh Deo ruh u lah shah jied khlem don nongialeh pyrshah (unopposed) kum u Senior Vice-President.