U Bah Prestone Tynsong kum u Myntri thymmai ka tnad ka Koit ka khiah

Syllad | The Rising MeghalayaJuly 29, 2021

U Myntri Rangbah ka Jylla u Conrad K Sangma hadien ka jingbujli myntri thymmai, ula bhah kam bad aiti iaka tnad ka koit ka khiah sha u Bah Prestone Tynsong, uba long u Symbud Myntri Rangbah ka Jylla.

Ka tnad ka koit ka khiah ka dei kaba ju bat u Bah AL Hek, katba ka tnad Animal Husbandry & Veterinary kaba ju bat u bah Prestone kan leit sha u bah Sanbor Shullai u myntri ba dang rung thymmai ha ka kynhun myntri ka sorkar MDA haka jaka u bah AL Hek.

Katkum ka jingpynbna ka Sorkar Jylla haka 29 tarik u Bah Prestone Tynsong nalor ka tnad ka koit ka khiah un bat iaka Housing, Parliamentary Affairs, Public Works Department (Roads), Food Civil Supplies & Consumer Affairs bad Cooperation Departments.

U Bah Sanbor Shullai un bat ruh iaka tnad Arts & Culture, Home (Passport), Prisons, Labour Departments.