U Daniel Dann u candidate ka Congress na Jowai

Syllad | The Rising MeghalayaJanuary 25, 2023

U Ma Daniel Dann u District Sports Officer barim ka East Khasi Hills District un long kum u candidate jong ka Indian National Congress (INC) na 2 Jowai Constituency, ka constituency kaba don burom kaba la bat iaka shuki Deputy Chief Minister haka por u Dr RC Laloo.

U Ma Daniel ula ong ba ia kane ka rai ban iakhun iaka election MLA 2023 ula shim mynta ka sngi hadien ka jingialang bad ki nongialam WJHD Congress Commitee.

“Hadien ka jingialang kaba sani bha bad ki nongialam ka Congress nga la rai ban rung sha ka jylli jong ka sain hima sima bad iakhun iaka election MLA na Jowai,” la ong u ma Daniel bad bynrap ba ka dei ka sien kaba nyngkong ban shimbynta haka election bad kyrpad ia ki paid nongkyrshan ka Congress bad u paid nongshong shnong ka Jowai ban ai ka jingkyrshan ia u ban long kum u nongmihkhmat ka Jowai.

U Ma Daniel un hap ban aireng pyrshah ia kyrtong ka UDP ma Moonlight Pariat, u Andrew Shullai na ka AITC bad u MLA ba mynta u Wailadmiki Shylla na ka NPP.