U Dawanpoimi Laloo u nongialam ba thymmai ka MPUF

Syllad | The Rising MeghalayaOctober 23, 2019

JOWAI: U Dawanpoimi Laloo u president barim jong ka Meghalaya People United Front (MPUF), Central Body ula shah jied biang ban long kum president haka jingialang jied nongkitkam kaba long  ha District Library Auditorium haka sngi Balang.

U Dapoiwanmi Laloo ula iehnoh ïa kane ka kam hadien ba ula rung sha jylli jong ka sain hima sima bad ula ïakhun iaka elekshon MDC 2019.

U Aimonbha Syad ula shah jied kum u general secretary,  assistant general secretary u Rilangmi-O Paslein, organising secretary u Micheal Chyrmang, assistant organising secretary u Kyrshan Blah bad la jied ruh iaki 7 ngut executive member.

U Deputy Commissioner West Jaiñtia Hills District, u Garod LSN Dykes ula pynbam smai ïa kine ki nongialam ka MPUF.

U Ma Garod haba kren kum u kongsan ha kane ka jingialang ula ong ki sengbhalang ki don ka bynta kaba kongsan ban wanrah ïaka roi ka par bad ka miat ka bha jong ka imlang ka sahlang kumjuh ban pyniaid beit iaka synshar ka khaddar.

Ula kitbok kitrwiang iaki nongialam ka MPUF ban shakri hok na ka bynta ka bha ka miat ka imlang ka sahlang bad ka jaidbynriew.

La wan sakhi ki nongialam sengbhalang naduh u president ka JSU Lawyer Son War, president HNPF Lone Laloo, ki dkhot jong ka MPUF naki Unit bad Circle jong ka na East bad West Jaiñtia.