U Eleven Dkhar u nongjop haka Athletic NEOG uba na East Jaintia Hills pynkup burom ka KSU

Syllad | The Rising MeghalayaNovember 19, 2022

Ka sports committee ka Khasi Students’ Union (KSU), East Jaintia Hills District kala pynkup burom ia u samla Eleven Dkhar uba jop haduh saw tylli ki takma kynthup ka takma ksiar na ka lympung ialehkai North East Olympic Games kaba la kut dangshen ha sor Shillong

U Eleven Dkhar u dei na ka shnong Tuberkmaishnong. Ula khur takma ksiar haka jingmareh 800 Mts, ka takma rupa haka 1500 Mts bad ka takma rnong haka jingmareh 100 bad 400 mts.

Ka KSU ryngkat ki nongkitkam shnong Tuberkmaishnong haka jingiadonlang kiba ha iing ha sem jong u Eleven Dkhar kala pynkup burom ia une u samla uba la wanrah iaka nam ka burom ka district wat hadien ki jingduna kiba bun kaba ka East Jaintia Hills kam don wat ka jaka mareh na a Athletic track, hynrei kala ioh ban kheit ia une u soh jong ka jingjop haka ialehkai sports.

Ka KSU haka jingialam u Shwari Ryngkhlem, u Deiniwan Lyngdoh kala kit bok kitrwiang ia u Eleven ba un nang treishitom ban jop haka jingim ialehkai.

Shuh shuh uwei pat u nongjop na ak Athletic u dei u Marso Kyndait uba na ka shnong Sabahmuswang. Ula jop iaka jingmareh 1500 mts haka Above 20 Men’s na ka NEOG.