U Hamletson Dohling u president thymmai ka Meghalaya Football Association

Syllad | The Rising MeghalayaOctober 15, 2023

U Bah Hamletson Dohling, u adviser jong u Myntri Rangbah ka Jylla Conrad K Sangma bad u MLA barim ka Mylliem ula jop suk iaka kam president jong ka Meghalaya Football Association (MFA) khlem don mano mano ba iakhun pyrshah.

Kane ka jingjied nongkitkam ba thymmai ka MFA kala long haka Annual General Meeting ka synjuk ha Shillong haka sngi Saitjain.

Nalor u Bah Hamletson Dohling (Pyndengumiong Dist. Sports Association), la jied vice president Bah Hering Shangpliang (Laskein Sports Association), Bah Cliff R. Nongrum (Shillong Sports Association), Dr. Lumbor Mawsor (Nongstoin Dist. Sports Association), Gino Sangma (Tura District Sports Association).

U Sunesh M. Syiem (Sohra Sports Association) kum u secretary. joint secretary ki kynthup ia u Coming Tlang (East Jaintia District Football Association), Bah  Dipshon L. Nongbri (Shillong Sports Association), treasurer Bah Prosper Warjri (Shillong Sports Association).

Ki executive member ki dei u Bah Phelenstar Rani (Tyrsad Area Sports Association), Resin Nongsiej (Pyndengumiong Dist. Sports Association), Freddy Kharpran (Amlarem Sports Association),YG. Lyngdoh (Mawkyrwat Dist Sports Association) bad Bah Hiamdor Rapsang (Eastern Border Sports Association).