U Ksew ruh ula ngiah iaki ñiut ka Jowai Sma Town

Syllad | The Rising MeghalayaJuly 31, 2021

Ha ka sngi Saitjain u Mirchi RJ Nicky J’s ula wan hiar na sor Shillong sha Jowai lyngba ka campaign jong u ka My Meghalaya My Pride ban paw iaka pyrshah halor ka jingjakhlia ka Jowai khamtam ka iew Iawmusiang kaba la syrtap da ki ñiut ki ñier ha shilynter ka surok bad ki basa iew bapher bapher.

U RJ Nicky ula ioh ka jingkyrshan jong kiba bun ki nongshong ka Jowai khamtam ki nongialam shnong bad ki nongshong shnong ka Iawmusiang baroh kawei.

Kaba phylla shuh shuh ha ka dur kaba la ioh shon ba wat u ksew ruh ula ai jingkyrshan ia kane ka campaign pyrshah iaki jaboh jabain bad ula shah sngewbha ban shongdur ia u ha ryngkat bad u dak jingkylli bala buh iano ngin kynnoh? Imat u ksew ruh ula sngewthuh iaka jingsma iwtung ka Jowai Sma Town ne ba ula ngiah la kdang iaka jinglum thup ia ki ñiut man ka sngi ha Jowai.

Ka jingkylli pat sa katno kan dang shimpor iaka sorkar ba kan shimkhia ban sdang ban pynbiang iaka jaka theh ñiut ba paka ka Jowai.

Kylla ka Jowai sha ka sma town

Ka jingiakhun iaki jaboh plastic, ki jaboh jabain ba mih na ki iing ki sem jong ki nongshong shnong kadei kawei na ki jingeh kaba la iakynduh la bun phew tylli ki snem, hynrei kawei hadien kawei ka sorkar ym don ba pyrkhat kumno ban shim iaka sienjam ka ban neh junom ban suk ka pateng ka ban wan ban iakhun pyrshah iaka jaboh jabain.

Ka Jowai naduh bala sangeh ka Jowai Municipal Board (JMB) ban khar ne pyllang iaki ñiut na ki ïing ki sem jong ki briew, la sakhi ba ki ñiut kila sdang ban lumthup ha kylleng ki basa iew ha Iaw Thymme Ladthadlaboh, Iawmusiang bad kiwei kiwei ki jaka ba kyndong bad kham pajih na ka sor Jowai.

Kane ka jinglong jingman ka Jowai mynta kala wanrah iaka jingpang iaki khmat ne jingijli ban peit iaki jaboh jabain ba har rukom kiba la syrtap ha ka sor Jowai kaba la khreh ban kyntiew kyrdan sha ka Jowai Smart Town.

Mynta ka jingkylli kalong iano ngin kynnoh halor kane ka jingkylla Jowai Sma Town ka Jowai???