U Ma Finely Pariat kum u general secretary bathymmai ka MSOA

Syllad | The Rising MeghalayaJanuary 15, 2022

U Secretary ka Meghalaya Athletic Association (MAA) u bah Finely L Pariat, la jied ia u ba un shimti kum u General Secretary ba thymmai ka Meghalaya State Olympic Association.

Kane ka jingshimti ka jong u bah Finely, ka jia long ba hynnin hi ka miet, u Chiranjib Choudhury, u la pynher iala ka shithi iehnoh ka jong u ia kane ka kam kaba u la bat, sha u working president ka MSOA, u bah John F. Kharshiing tang namar ba la don napdeng ki sengbhalang kiba la ujor lyngba ka dorkhat kaba ki la phah kopi sha u Myntri ba dei khmih ia ka tnat Sports & Youth Affairs u bah Banteidor Lyngdoh ha u bnai Naiwieng bad ia ka kopi jong kane ka dorkhat, la ai ruh sha ka MSOA.

Hadien ba u Chiranjib Choudhury u la phah ia la shithi iehnoh kam ka jong u hynnin ka miet, u working president ka MSOA, u bah John F. Kharshiing, u la hap ban lum kyrkeh hynne ka sngi, ka 15 tarik u Kyllalyngkot ia ka jingialang jong ka executive committee ka MSOA.

Ha kane ka jingialang, ka jingialang haba khmih bniah bha ia la ka riti treikam, ka shah bad plie lad ia uwei na ki ar ngut ki Jt. Secretary ba u lah ban kiew noh sha ka khet kum u General Secretary jong ka MSOA, lada jia ba u briew uba la shah jied ia kane ka kam, u la rai ban ieh noh shiteng kaba kut ka samoi treikam ka MSOA.

U Bah Finely, u dei u briew uba la juh ia kit bad bah bha ia ki kam ialehkai da kaba u la rung nyngkong eh haka jingim kum uwei na ki dkhot jong ka Shillong Sports Association, kaba u dang iai don haduh kine ki sngi ki por ba mynta, u la kit bad bah bha ruh ia ki kam ialehkai jong ka Meghalaya State Government Employees Federation bad don bynta ruh ha kiba bun tylli ki lympung bah ialehkai ha ka jylla ban trei met bad mynsiem naka bynta ban kyntiew ia la ki khun samla kynthei bad shynrang.

Haba iakren bad u nongthoh khubor, u bah Finely ha kaba nyngkong u sngew ban ai nguh ia U Blei Nongbuh Nongthaw uba la plie lad ia u ban poi sha kane ka kyrdan jong ka jinglong nongkit kam sports, ha kaba u la ong ba ha ka jingmut ka jong u, kam dei pat ban wan jia da kumne, hynrei  la ong  pat ba kumba la bynshet lyngba ka jingshaniah da ka executive committee,  da ka mynsiem kaba sngewrit u kloi ban shimti ia kane ka kam ban pyrshang ban iatreilang bad kiwei kiwei, kumba u la trei mynta la an 27 ne 30  snem ha kiba bun kib ynta kum u nongkit kam sports.

Hynrei hap ban ia tip ba ka kam General Secretary ka MSOA, kam mut ne thew ba kan dei ka jait kam kaba un shu hap ban ia shong bad trei tang ha ka miej treikam ha ka ophis ka synjuk ha kane ka jylla, pynban na ka por sha ka por don ki khep ba un hap ban mihkhmat sha ki jingialang bah ka Indian Olympic Association (IOA), ha kaba ha kum kine ki jingialang lymda dei lypa ki briew kiba tbit ban trei iakakam ne don ia ka jingiajan ne ithuh ithaw, lehse, kan long ka jingeh kaba khraw, haba iadei bad kane, u Bah Finely u kam ba kum u briew u la don ia katta ka snap ban trei ne ka experience, tangba haba iadei pat badki kam sha Dehi, khyndiat ka la kham pher bad kham eh, hynrei ka jingiatrei kam lyngba ka Athletics Federation of India, u kyrmen ba lehse kan iarap ia u bad kyrmen ba ha ka IOA, ka nam bad ka kyrteng jong ka Meghalaya ruh kin ia ithuh em da baroh.

“Nga kyrmen ba lyngba I bor I barit I jong nga bad d aka jingialam lynti lem ki ong bah John, Bah Bor bad baroh ki para dkhot ka MSOA, ma u kum u General Secretary un nym don jingeh eiei ban  long kum u General Secretary ba thymmai ne ban trei ruh ia ka kam”, la pynpaw u bah Finely.