U Nangaibormi Sutnga kum u waheh shnong thymmai ka Umdeiñlien Iooksi B

Syllad | The Rising MeghalayaApril 29, 2021

U Nangaibormi Sutnga ula shah jied kum u waheh shnong ba pura jong ka Shnong Umdeiñlien, Iooksi B, West Jaintia Hills District haka jingjied waheh shnong ba thymmai kaba long haka 26 tarik une u bnai.

Ha kane ka jingjied waheh shnong la iadonlang u Dalloi ka Elaka Raliang u ma Chawas Lyngdoh, uba la pynbna ruh ba u Nangaibormi ula shah jied kum u waheh shnong ba pura ka Umdeiñlien, Iooksi B haka elekshon jied waheh shnong.

U Nangaibormi u dei u samla uba kit bah iaka kam shnong naduh ba u dang khynnah haka rta bad u dei ruh u dkhot ba shitrhem jong ka Khasi Students’ Union (KSU) la bun bun snem mynta. U dei u nongaibuit ka KSU ha ka thain Laskein bad u angnud bha ban wanrah iaka jingkylla hapoh ka shnong ka thaw.