U Nidamon Chulet u president ba thymmai ka synjuk waheh shnong Laskein Block

Syllad | The Rising MeghalayaAugust 11, 2020

U Nidamon Chulet, u waheh shnong jong ka shnong Mynkrem Shangpung ula shah jied kum u president ba thymmai jong ka synjuk ki waheh shnong jong ka Laskein Block.

U ma Nidamon ula shah jied u nongialam ba thymmai ka synjuk haka jingialang pynthymmai nongkitkam kaba long ha iing dorbar ka shnong Mowkaïaw haka sngi ba Ar.

Ka samoi treikam jong u kan long na ka bynta lai snem.

Nalor u Nidamon Chulet la jied Vice President ia Niawbait Ymbon, Secretary Sanki Lamare, Assistant Secretary Ramfelix Talang, Finance Secretary Danny Shadap nalor ki 10 ngut ki dkhot ka Executive Committee na ki shnong kiba hap hapoh ka Laskeiñ Block.

Ïaka jingïalang la pynïaid da kaba bud ryntih iaki jingbthah jong ka tnad ka koit ka khiah ban ïada na ka khniang jingpang COVID-19.

U President ka Synjuk u Nidamon Chulet haka jingkren ula pynpaw ïaka jingangnud ban trei ryngkat ryngkat bad ki Waheh Shnong kiba hapoh ka thaiñ Laskeiñ Block.

Ula khot bad wer iaki nongshong shnong ban iatreilang ryngkat bad ka Synjuk khnang ban lah ban pyniaid iaki kam shakhmat bad wanrah ka burom iaka dong bad thaiñ.

Ula kyntu ruh iaki paidbah nongshong Shnong ban long kiba husiar hakum kane ka por ban lait na kane ka khlam COVID.