U nongialam barim ka JSU kum u president ka Mowkaïaw Block Congress Committee

Syllad | The Rising MeghalayaMarch 1, 2021

U Rikut N Parien u president barim ka Jaintia Students’ Union ula shah jied ban long kum u president jong ka 4- Mowkaïaw Block Congress Committee (MBCC) mynta ka sngi ha ïing dorbar hall jong ka shnong Mowkaïaw.

Nalor u Rikut la jied secretary ia u Fivestar Suiam uba long u muktiar kum u general secretary ka -Mowkaïaw Block Congress Committee (MBCC) uba ju don bynta ban long u nongai buit bad u dkhot ka KSU n aka thain Mowkaiaw.

Iaka jingialang la pynïaid da u Rikut N Parien haka jingïadonlang u Fernandes Dkhar General Secretary MPYC, u Nehemayah Tyngkan Finance Secretary MPCC i/c Jaintia Hills

U Fernandes Dkhar general secretary MPYC, uba la iadonlang ha kane ka jingialang ula ong ba ka rilum Jaintia kadei ka thain kaba khlain ka Congress bad ula kyntu ia baroh ban iatreilang da ka mynsiem iatylli ban pynkhlain iaka party khnang ba kan lah ban ieng rasong biang ha kane ka jylla ban shakri ia u paidbah.

Ha kane ka jingialang jied nongkit kam la jied vice president ia u Hamboidei Sumer, assistant secretary Ioanis Manner, treasurer Brington Shylla, social media coordinator Cleverson Shadap nalorkata ïaki nongmihkhmat sha ka Pradesh Congress Committee la ba kynthup ïa u Overfive Biam, Nidaemkam Lyngdoh, Ever Sumer, Rimiki Lathong, Medalin Dhar bad la jied ruh 5 ngut ki Executive member u Hilarious Sungoh, Rimi Sten, Iadamiki Lyngdoh, ka Kong R. Sten bad ka Kong I. Sutnga.

La jied ruh ïaka Mahila Congress Committee ba kynthup ïaka Rimanchwa Suchiang kum ka President bad Kong Hababiang Wann kum ka Secretary. La jied Adviser ïa u ECB Bamon bad Nehimaya Tyngkan bad ha kane kajuh ka sngi la pynrung dkhot thymmai ïa u Fivestar Suiam bad 10 ngut kiwei pat.