U Pyrwa Lymba u Dolloi thymmai ka Elaka Darrang

Syllad | The Rising MeghalayaSeptember 27, 2019

JOWAI: U ma Pyrwa Lymba, u dei u Dolloi ba thymmai jong ka Elaka Darrang. U Ma Pyrwa ula jop suk ia ka kam dolloi hadien bym don mano mano ba aireng pyrshah ia kane ka kam kaba la thylli naduh u snem 2017 Nailar 26 na ka jingkhlad noh u Dolloi Beringson Khongwang.

Ka Deputy Secretary & Returning Officer Dolloiship Election, Jaiñtia Hills Autonomous District Council (JHADC) ka Kong E. Shylla haka sngi Thohdieng kala pynbna ba u ma Pyrwa Lymba bu dei u dolloi ba thymmai ka Elaka Darrang

U ma Pyrwa Lymba 42 snem udei u khun jong u (L) Min Ryngkai bad ka Kong Klo Lymba na ka Shnong Lymba.

Kyndiat shapang kane ka Elaka Darrang; kane ka Elaka ka kadei kaba rit bad ka don tang 980 vote na ki 5 tylli ki Shnong bakynthup iaka Shnongpdeng, Lymba, Kongwang Darang-Rikynjai bad Dawki.

Ha kane ka elaka tang saw kur kiba lah ban long Dolloi bad kine ki kynthup ïaka Kur Ryngksai, Lymba, Kongwang bad Syngkrem.