U Sakilan Chyrmang kum u president thymmai ka ka JNC- Sumer Circle

Syllad | The Rising MeghalayaFebruary 17, 2024

Ka Jaiñtia National Council (JNC) Sumer Circle haka jingpynskhem iaki nongkitkam ba thymmai naka bynta ka samoi 2024-2029, kala jied biang ia u bah Sakilan Chyrmang kum u president ka circle.

Ha kane ka jingialang jied nongkitkam ka JNC, kala rakhe ruh iaka lyngkhuh dap saw snem ka JNC Sumer Circle lah pynlong haka Community Hall ka Shnong Samasi, Elaka Sumer, East Jaintia Hills District. La iadonlang u nongialam ka CEC kum u President rangbah bah Sambormi Lyngdoh, assitant secy Allmiki Ryngkhlem, finance secretary Training Phawa, organising secretary- Lasinme Syad, publicity secretgary Mebanteilang Sukhlaiñ, education secretary Diamon Bareh bad kiwei kiwei ki nongialam ki unit ki circle ka JNC.

Iaka jingialang la pyniaid da i Waheh Shnong ka Samasi Ma Kynmoo Chyrmang bad la pdiang burom iaki nongwan na i Sakilan Chyrmang bad la ioh ruh ki jingkren na u Diamon bareh, Allmiki Ryngkhlem bad u Mebanteilang Sukhlaiñ. Iaka jingiaid lynti Jong ka Circle la pynsngew da u Leading manar bad la ioh ruh ban pynkup burom iaki nongialam ka Circle.

U President rangbah bah Sambormi Lyngdoh haba ai jingkren ula ai khublei dap 4 snem iaka Circle bad Ula iaroh ruh iaka circle haki kam Jong ka ban ai ka jingshakri kaba paka iaka dong ka thaiñ ka Elaka Sumer bad u la ban ruh ba nangne shakhmat ruh ka juh hi ka mynsiem kidei ban don bad daka juh hi ka jingiatylli ban iadei naka bynta ban shakri hok iaka Ri bad ka Jaidbynriew.

Shuh shuh u la kynthoh iaka sorkar ba haka jaka ban pynbha bad pynmiat iaki surok ki jingkieng khamtam shaki thaiñ nongkyndong, hynrei kala thmu ban wanrah pynban daka lynti rel bad ki coke factory. Haka jaka ba ka sorkar kan wanrah ka jingkylla iaki skul bad ki jaka sumar ka wanrah pynban daka jingjakhlia kum ki coke kiba lah pynsniew dur iaka District baroh kawei. Ula kyntu ruh iaka Circle ban ieng rangbah ban pyrshah jur iakum kine ki jingleh ka sorkar ba horkit hordang ngim dei ban ailad satia ba kin jia hangne ka thaiñ Jong ngi.

Haba pynskhem iaki nongkitkam ba thymmai ulla kitkob kitrwiang iaka Circle ba kan nang iai trei shitrhem haba iadei bad ki dawbah dawsan Jong ka Ri bad ka Jaidbynriew.

Ki nongkitkam ba thymmai ka JNC Sumer Circle ki long kumne: