U Wandame bad ka Rosy ki lahduh haka Run for Unity ha Khliehriat

Syllad | The Rising MeghalayaOctober 31, 2022

U Wandame Dkhar uba na ka shnong Jalyiah bad Rosy Sana ba na MukhaIalong kila long ki lahduh haka Run For Unity, kaba la pynlong kum shibynta ban rakhe iaka National Unity Day- Rashtriya Ekta Diwas haka sngi Nyngkong.

Ka National Unity Day kadei ka jingkynmaw burom ïaka sngikha u Sardar Vallabhai Patel manla ka 31 tarik u bnai Risaw haka ri baroh kawei. U Sardar Vallabhai u dei u nongïaleh laitluid ba wanrah ïaka jingtylli ki Jylla ha ri India.

U Kordor. S. Mannar na Narwan Village bad u Iakhut Dkhar na Cham Cham Village  kila  wan ba ar bad ba lai, katba na ki kynthei ka Lamsuk Phawa bad ka Therisa Sana kila wan ba ar balai. Kine ki arngut ki thei mareh ki dei na ka shnong Mukhaialong.

Ia kane ka prokram la pynlong da ka ophis ka District Sports Officer, East Jaintia Hills District, Khliehriat haka jingiatreilang bad ka ophis u Deputy Commissioner, East Jaintia Hills District, Khliehriat.

La kaweh iaka lama ban sdang kane ka jingmareh da u Deputy Commissioner, A Baranwal, IASDC Ohis barim sha Rymbai P.H.C bad la wanphai biang ha ophis DC barim. U DC bad ka DSO ka kong Stephanie. M. Rapsang kila aiti iaki khusnam sha ki nongjop.