Ujor biang ka Dorbar Chnong Panaliar sha u DC ban khang pynlong iakop khwai

Syllad | The Rising MeghalayaSeptember 25, 2024

Ka shnong Panaliar kala ujor sha u Deputy Commissioner jong ka West Jaintia Hills District pyrshah iaka Jaiñtia Fishing & Environmental Protection Association (JFEPA) halor ka jingthmu pynlong iaka jingiakop khwai dohkha ne Fishing Competition.

U Waheh Chnong Bah Riquoma Rq. Laloo bad u General Secretary Bah Marryngkat Syngkon ha ka jingujor kaba la ai sha u DC haka 24 tarik Nailur, kila pynpaw ba ka Jaiñtia Fishing & Environmental Protection Association (JFEPA) kala pynkheiñ ïaki aiñ shnong ha ki sngi ba la dep. Kumta ha kaba iadei bad kane ka jingiakop khwai kaba kane ka seng ka thmu ban pynlong haka 28 tarik Nailur 2024, dorbar chnong Panaliar kala rai ban nym shah iaka JFEPA ban pynlong iaka iakop hapoh u pud u sam jong ka shnong.

Ka Chnong Panaliar kala kyrpad ia u DC ban un pynsangeh shisyndon ia kane ka jingiakop khwai dohkha khnang ban wanrah ka jingshongsuk shongsain hapoh shnong poh thaw.