Ujor ejahar u DC ka East Khasi Hills pyrshah ia u Syiem Sohra

Syllad | The Rising MeghalayaJuly 10, 2024

U Deputy Commissioner ka East Khasi Hills u la ujor da ka ejahar pyrshah ia u Syiem ka Sohra ha kaba iadei bad ki kam lum pisa beain.

Ia kane ka jingujor la ujor da utei u khlieh ka district ha kine ki khyndiat sngi ba la dep.

Haba pynthikna ia kane ha ka 9 tarik Naitung, na ka liang u Superintendent of Police ka East Khasi Hills u Bah Sysvester Nongtnger u la ong ba la dep ban register case halor kane hapoh Shella Police Station ha kaba ia ka jingtohkit la pynlong da u Inspector CI Mawngap.

Nalor kata u la ong ruh ba na ka liang u IO un pyniaid shakhmat ia ka jingtohkit katkum ki kyndon ain.