Ujor ka HYC ba duh bording ha Padu

Syllad | The Rising MeghalayaJune 4, 2021

Ka Hynniewtrep Youths’ Council (HYC) War Jaintia Padu Unit haka 2 tarik Jylliew kala ujor sha u MLA ka thaiñ u ma Lahkmen Rymbui bad sha Deputy Commissioner West Jaintia Hills bad sha u SDO Amlarem (Civil) Sub-Division haba ïadei bad ka jingduh bording jong ka shnong Padu.

Kane ka jingduh bording ha katei ka shnong ka dei na duh u transformer bording naduh ka 27 tarik Jymmang. Ki kyntoit jong ka shnong jong ka Padu kiba shong khlem bording ki kynthup ka Padu Mawjyllang, Padu Mawsku, Padu Shnongpdeng bad Padu Nongthymmai.

Ha kaba ïadei bad kane jingduh bording ka HYC ka la kyntu ïa u MLA bad ka bor synshar district ban leh eiei khnang ba kan ym wanrah jingeh ïaki paidbah nongshong shnong, ki khynnah skul bad samla pule kumjuh ïaka Padu Dispensary namar ïaki dawai inject Covid-19 hap ban buh hapoh Refrigerator khnang ba kin nymsepei.