Ujor ka JNC bym don bording 3-4 bnai ha Tuber Sub- Centre

Syllad | The Rising MeghalayaAugust 10, 2023

Ka Jaiñtia National Council (JNC) mynta ka sngi hapoh ka jingialam u bah Training Phawa Finance Secretary (JNC-CEC) ryngkat kiwei pat ki nongialam bad ki dkhot ka seng kala leit ban ujor sha u DMHO ka EJHD  ha kaba iadei bad ka jingbym don bording hapoh Tuber Sub-Centre mynta lah kumba 3 ne 4 bnai kynthih.

Ha kane ka jingleit iakynduh ia u DMHO na ka liang ka seng ka la buh ruh ka jingkylli ba balei kat ia ka jaka ai jingsumar ym lah satia ban pynbiang bording. Kumta ka JNC kala kyntu ruh ia ka ophis u DMHO ba ka dei ban pynbiang lut ia ki jingdonkam jong ki jaka ai jingsumar khamtam sha ki thain ba jngai na ki jaka sor khnang ba ki paidbah kin ym duh jingkyrmen khamtam ha kum kine ki por ba lyngshop ki bor ka mariang.

Halor kane ka jingdawa jong ka JNC, naka liang u DMHO u la kular  ban shimkhia ia kane ka kam bad ban phah ruh mardor ia ki bor ba dei ban peit khamtam ha kaba iadei bad ka bording  na ka bynta ka bha ka miat bad ka jingshngain jong ki paidbah kiba donkam ia ki lad jingsumar.

Ha kawei pat ka bynta la pynpaw ruh ba kane ka jingduh bording kane ka Sub Centre ka dei na ka daw ka sorkar kam shym la siew satia ia ka bai bording.