Ujor ka JSM ban wanrah symbai Sniang na Assam

Syllad | The Rising MeghalayaJuly 20, 2021

Ka Jaintia Student Movement (JSM) hadien ba ka la ioh iaka jingujor na ki nongri Sniang bad nongkhaii kala leit ban ujor sha u Deputy Commissioner, East Jaintia halor ka jingdon jong ki katto katne ngut ki nongkhaii bar Jylla kiba la wanrah ïaki symbai Sniang na Jylla Assam sha East Jaintia Hills watla don ka jingsaphriang ka jingpang khlam sniang- ka African Swine Fever (ASF)

Ia kane ka jingujor ka JSM kala leit buh haka jingialam u president u Wellson RD Siangshai bad General Secretary u S Bareh haka sngi ba Ar.

Ka JSM kala ong ba kane ka jingwanrah iaki Sniang na shabar kan buh jingma na ka jngsaphriang ka khlam sniang.

Shuh shuh ha kum ha kane ka por ka saw ka sian na ka khlam Covid-19 ka buh jingeh ia ki briew nongri sniang ban pyniaid iew iaki sniang shnong naba baroh shi katta ki ju shaniah ban pyndap pynbiang ia ki jingdonkam na kane ka kam ri sniang.

Ka JSM kala kyntu ia u DC ban shimkhia ban tuklar ia kane ka jingwanrah sniang na shabar ka Jylla bad ha kajuh ka por la maham ia ki briew kiba pyrshang ban shimkabu ban khaii iaki sniang da kaba wanrah na Assam sha kane ka district tang ban myntoi shimet khlem da pyrkhat iaka iap ka im u ba bun balang.