Ujor ka KSU ba tlot ka bording ha Mihmyntdu, shimkhia u engineer ban leit jurip mar mar

Syllad | The Rising MeghalayaJanuary 18, 2021

Ka Khasi Students Union (KSU) Jowai Unit haka jingialam u Ewanmi Phawa bad u Solangki Paslien kkiba dei ki president bad general secretary bad katto katne ngut ki dkhot kila leit ban ujor sha ka tnad MePDCL halor ka jingtlot ka bording haka shnong Mihmyntdu, Lumpyrtuh bad Moomon bad kiwei kiwei ki dong kiba hap hapoh u pud u ang ka Mihmyntdu.

Ka KSU kala leit ban ujor sha ki engineer ka MePDCL hadien ba la ud la nam ki paidbah namar ba ki shem shitom palat khamtam haka por mynmiet ba ki hap ban shet ja ne shet jingshet. 

Naka u engineer marsien ioh iaka jingujor ula leit jngoh marmar bad lap shisha ruh iaka jingtlot ka bording ha kaba u lah  kular ruh ba un shimkhia ban leh iaka ba donkam lashai hi ka sngi.