Ujor ki ka KSU bad AJYWO ha u DC EJH bym bud ki dukan iaki jingbthah ka sorkar

Syllad | The Rising MeghalayaMay 1, 2021

Ka Khasi Student Union (KSU) Wapung Unit, Ladrymbai Unit bad All Jaiñtia Youth Welfare Organization (AJYWO) kila ujor sha u Deputy Commissioner, East Jaiñtia Hills halor ka jingbym kohnguh ki dukan ban bud iaki kyndon kiba la bthah ka sorkar bad ka bor synshar district ban buh iaki dor ki mur ki mata bad ka stock jong ki hakhmat ka dukan haka sngi Thohdieng.

Kine ki ar seng kila kynnoh la jan baroh ki dukan Whole Sale & Retail kiba don ha Ladrymbai, Khliehriat, Saw kilo bad kiwei kiwei ki jaka ha East Jaiñtia kim shym la buh ne wah iaki dor ki mar ki mata jong ki ha khmat ki dukan kaba pynsuba jur ba ki dukan ki leh khliehshrieh.

Kine ki ar seng kila kyntu ia u DC ban leh da kaba tyngeh bad ban pynshitom ia kine ki dukan kibym shym la bud satia iaki kyndon jong ka Essential Commodities Act, 1995 bad la kyntu ruh ban pynbna paidbah iaki dor ki mur jong ki mar bam mardih hapoh ka district khnang ba u paidbah un lait na ka jngshah shim kabu ha ki dukan kiba die iaki mar bam mar dih.