Umngot Hydro Electric Project: Nang jur ka jingpyrshah, yn khang jaka jngohkai ha Darrang, Shnongpdeng bad Dawki

Syllad | The Rising MeghalayaApril 7, 2021

Ka elaka Darrang kala rai ban khang iaki jaka jngoh haka 9 tarik une u bnai kum shibynta ban pyrshah iaka public hearing ka Meghalaya State Pollution Control Board (MSPCB) na ka bynt ban shna ka MeECL iaka Umngot Hydro Electric Project kaba la thmu ban shna dam ha Moosakhia.

U Pyrwa Lymba u Dolloi ka Elaka Darrang bad ki waheh shnong ka Darrang, Shnongpdeng bad Dawki ban pyrshah iaka jingthmu ka MeECL kila rai ban khang iaki jaka jngohkai.

U Dalloi ka elaka Darrang ula wer ia baroh ban iasnohktilang khamtam iaki marjan shnong kiba don hapoh ka elaka Darrang bad Nongtalang ba kin ia trei lang bad ka elaka namar ha kane ka sngi  na ka liang ki paid ki elaka kin leit sha kane ka jingpynsngew paidbah ha Moosakhia ban leit ban pyrshah ia kane ka jingkhang dam ia ka wah Umngot.

“Kane ka jingthmu ban khang dam iaka Wah Umngot ha Moosakhia kan ktah iaki bynta ban sharum ka wah bad ki paidbah kiba im jakpoh n aka wah Umngot,” la ong u Dolloi.

Ha ka juh ka por ka Hynniewtrep Youths’ Council (HYC) War Jaiñtia Circle kala ai ka jingkyrshan iaka Elaka Darrang ban pyrshah iaka jingtei iaka Umngot Hydro Electric Project.

Ka Umsawwar bad ka NESFAS ruh ki pyrshah ïa ka Umngot Hydro Electric Project. Kila dawa ba haka jaka kane ka project ban shna da kiwei ki kam pynroi kaba ym ktah jinglong jingman ka wah Umngot bad ka rukom im bad ka ioh ka kot ki nongshong shnong kiba shah ktah ha kane ka project na East Khasi Hill bad West Jaintia Hills