Uni U Smart Meter U Wa Toh I U Tip

Syllad | The Rising MeghalayaOctober 14, 2021

Ha kini ki khajiak tylli ki sngi, da ioo I ha kawi ka kot khubor wa u Power Minister uwa dang him kti thymme, u Ma Prestone Tynsong, syndet syndet da pynsangeh noh shwa u iu Satnam Global Infra Pvt Ltd, waw shna iu ni u smart meter. I leh mo, ym tip I u ong, tangwa da buh ia I ki Shillong Circle wa ka Jowai circle wa rud shnong, ki waw hap teh nyngkong iu ni kat kam ka jingpynbait ka sorkar ha ka lyngngoh. De, mar ia kylla ki minister, wei kattu shongshit, da sangeh sbak.

Ha O da pyrshang O, waw thoh ha ka kot khubor phareng kawa rap rim bha ha Meghalaya, hynrei kop, ym em wa swe u pynmih ia ka jingbatai ka iong nga shaphang u ‘smart meter, wa mut O waw pynshe ia ki bru waroh waw tip ki.

Ioh sniawthuh ki nongshong shnong, haduh katni da pyrshang ar tylli ki meter. Na tynde, da teh I waroh da uto u electric meter. Uni pynshad u ia itu wa rap khian ia I CD disc, I aluminium. Ini wan pyntallung ko iei shyieng wa thoh 0,1,2******9. Shu buh pynthnam um phi da u immersion rod wa 1000 Kilowatt. Shim por phi 1 kynta. Te uni u meter daw shad u Shi unit. Buh wa hap su 4 Tyngka Shi unit. Te ha u meter da ku Shi unit, wa daw wan pure da ki meter reader man u bnai. Iwi toh u kynmo, wa ka jingshad smat ne suki uni u meter shong du ha ka current ym ha ka voltage. Wa iwi wa sniawsih toh, kani ka current rap heh ko ha wa duna ka Voltage.

Ha Meghalaya, ka voltage ka wa toh u pynio thik 220 volt, ym juh poi ko ha kani ka level. Sei wi won, ka kynta waw thnam ne waw man thah ha ka fridge leh arshah bam por. Te toh na kani ka daw wa ki bru iongi man ka por juh ud ki wa ku ka bil bun bun shah.

Katni wan kiwa ring bordiin thymme, da hap ki u teh da u ‘electronic’. Uni leh shad u kat kam ka ‘current’ wa katnu kynta pynemkam phi, kate ka Kilowatt Hour ne unit. I jingiapher toh wa hu ni, em ka electronic circuit, ka wa record (a) current wa (b) ka kynta. Em waroh I bulb thik kat I syntu krismas I wa so wa she khrik khrikwaw pynioo katnu da tan bor diin I(kat nang tan bordiin rap bun nang smat I khrik khrik..Em ka “digital display” (thik kam ki calculator) ka waw register ia ka unit, te  man u bnai, ki meter reader daw jngoh ki katnu da pynemkam shi b’nai. Uni u electronic leh por duna voltage, leh pynku u ka bai electric, wa huni te rap stad bha u, ym toh kam u electric. Neini I daw da rap ud rap kyang ki bru ki iongi. 

U smart meter:- Uni te da pher bak lybak na kitai ki ar. (a) Ha kitai ki ar tylli, ka bill shong ko du ha ka Kilowatt Hour. Ha uni won,ka bill shong ko ha Kate ka Kilovolt Ampere Hour. Na bynta ki paidbah ioh rap she, ynne da Ong O wa hap su 1 Kwhr (Mut 4 Tyngka, lada Shi unit shongdor 4 T). Huni wan, hap su phi nalor ka 4 T., hap su phi ar ki ii ki ii, (b) Ka bai lut san ha ka transmission na ka company(Average Technical loss).Kani ym toh kawa shongnia mo lok. Man ko thik kam wa u mahajon, por dai kho,shim tam noh u wa sih ka trok iong o, te lut baikit. (c) Waw pyntip ia phi kiwa bam electric, hap em kam ka network (kitu ki khian ki mobile wym toh ki android ne smart phone, ym man ki). Daw phah bor ding lyngba ka Network, wa ym toh du katte, hap buh WIFI (Wireless Fidelity) haroh. Kabai message kam “katnu  sah ka poisa phi, ne mynnu u ah ki ia ka lain (waroh du shikhlak don hi). Ini I bill daw buh lang ki wa itu I So Tyngka. Shubuh 20 Naia poisa bai phah bor diin(I tynne) wei 10 Naya ka bai message. Pait por wa phone phi, itu I wa snein ki iu Covid,kynmoo i kiwa phone ym lut I, lut ka telecom company. Hu smart phone wan, pynbah ki sha ii. 30 Naia sniaw duna bha mo,hynrei kynmo ini toh ha man ka Shi unit ne 4 Tyngka.

Ha Khasi Jaintia,kiwa em smart phone toh 8%don hi. Ym toh du ite, wat la kop ki wa em, ka ‘connectivity ‘ ha ri India waroh kawi,duna bha ko. Hap ku jrong dein ne sha lum wa rap Jrong, kamwa leh ki khynnah por ialeh eksamin kyllein kyllein. Wa I waw jynjar duh toh,por wa pyntip ki company ia ka tarik waw ah lymsu. Shu buh wat Lada em smart phone phi,hynrei ym em network,te por miet te da dum tliw ne khlem thied bombati, wym ioh message.   

Ha ka jingsakhiat,ki le tylli ki company wa kham shakhmat waw shna toh ka (1) Siemens wa (2) Schneider (pynar  na Germany)wa ka Genus na south India.Kani ka company ha Meghalaya te sha tdong duh.Wei sa iwi, ka Power Department na Delhi, katkam wa da thoh ha whatsapp, da batai ko ia ka Shneider company ‘To manufacture in accordance with the Power Scenario in India”,Mut ‘Waw kynmo waw shna karkum ka Jinglong jingman ka bor electric ha India’. Ie hi ko maai, neibhah ha Germany ne Europe ne USA,ka bor diin ka Voltage ym juh duna ia ka 230volt(Ha USA ym ju duna ia. Ka 117volt). Kwah te kwah u man modern, hynrei khlem ka Nongrim wa paka.   

I ialeh I u bud thyrneng ia ki wi wan ki ri wa pahuh bor diin. Toh u tip I wa naduh, wa da e lymmuh ka laisen ia ki 9 tylli ki karkhana Khyndaw Bilat (5 du harud reserve Narpuh) wa bun tylli kiwa pynum nar jet, (wa ioh na karkhana ha Byrni), ka voltage ha kyllein ka Meghalaya,ym juh palat ia 160-170volt hei por bun kam (Peak hours).Te kini ki smart meter te tip kammon u e bill ki.Ka bill tae sha bnein sha Khyndaw. 

Tangwa, paralok em ka jingkyrmen neibhah wa kat kum ka statistics, na ki 251 million ki iung ha ri India iong ii wa da mut waw teh da uni u smart meter, du 1.6 million Dang dep teh. Kani mut du 6 iung na ka 1,000 iung wa da teh. I leh, ie I u hap ha ki 251 million shim noh 1.6 million. Ha Bilat Dang bun bha ki iung wym bien iuni u smart meter. Sa iwi leh,hawa uwa rim dang bha u,ka ii mo ka ain waw oh noh ia o waw thied noh da uwi.

U paralok wa kreh lang dang shwa da teh u da u electronic la phra bnai kattu. Sih noh ka LCD (Liquid Crystal Display) te la le bun   bnai, da hap khein average. Mynda complain, kani ka HPK comapany phah ko ia u lok waw phah sha Guwahati, neite wan du phah ki sha Delhi,(kop ka  kompani uni u Satnam). Heini da shynna wa ym em ka guarantee, ne ka Lok Adalat  waw e iei hok waw pynsuk ne shakri iu nongbam elektrik.

Ka display ym eh u bujli, hynrei ileh wa kani ka sorkar ym hukum ki ia kani ka MeECL waw buh ka repair section haman ki Nongbah ki district ka waw e kam ia ki khynroo ki iongi (bun bha ki wa da hap wan iung noh nei daw u Covid). I te da kylla kite ki ‘guinea pigs’waw leh experiment ki corporates kat wa ngait ki ia ii.

W Passah
Retd.H.O.D Electronics St.Edmund’s college.