Ur ka kynroh CHC Khliehriat, twa khyndew ha surok Nartiang bad Jowai

Syllad | The Rising MeghalayaJuly 11, 2020

Ka wan ther u slap ba jur ha kine ki khyndiat sngi kala wanrah ka jingshlei um bad jingtwa khyndew ha kiba bun ki bynta ha East bad West Jaintia Hills District haka sngi Saitjain.

Kawei na ka jingtwa khyndew shuwa ban poi ka shnong Nartiang.

Ha kane ka jingtwa khyndew la khyllem ruh ki dieng hapdeng surok kaba la wanrah ka jingsahkut kali shipor.

Ha kawei pat ka jingjia twa khyndew, kala jia ha Umshangiar Jowai. Kane ka jingjia twa khyndew kala jia haka por 7:30 am haka iing u Mil Chyrmang.

U Ma Jop Laloo, General Secretary ka dong Umshangiar, ula iathuh ba ha kane ka iing la sah daka kong Tis Lyngdoh bad namar ka jingbymlong shngain la ai jaka sah iaki haka iing ka dong bad la sei ruh iaki tiar ki tar jong ki.

Shuh shuh ka khubor kaba iohlum na East Jaintia Hills la iathuh ba haka por shiteng synia la ur ka kynroh kaba ker iaka Khliehriat CHC.

Ka East Jaintia National Council (EJNC) – Khliehriat Circle kala leit jurip ia kane ka kynroh ba twa.

U Evident Tariang president EJNC ula ong ba kane ka jingtwa kadei namar ka jingshong synjor ne jem ka khyndew. Ki nongshong shnong ba sah marjan bad ka CHC kumjuh ki nongthiah pang ha CHC kila ong ba donkam ban maramot kloi ia kane k kynroh ban shngain ka iing building ka CHC bad iing briew ba don marjan.