Wan ba ar ka Rephica Becky Pde haka Kalimpong Ultra Marathon

Syllad | The Rising MeghalayaApril 25, 2023

Ka Rephica Becky Pde, ba trei ha ka tnhat Excise ka sorkar jylla, kala wan haka kyrdan kaba  ar, ha ka jingleit iashim bynta ka jong ka sha ka iakob mareh thong ba la tip kum ka Kalimpong Ultra Marathon 65km.

Ia kane ka iakob mareh ba la pynlong iaka ha ka 22 tarik mynta u bnai Iaiong, dei kaba la pynlong ia ka da ka Roshni Foundation, ha kaba ki nongwan iashim bynta kidei kiba la wan na kylleng sawdong, ha kaba ka jingkynjang ka jaka na ka sla duriaw ka long 1500m. Ia kane ka jingiakob la sdang  ka shnong Pedonng  West Bengal sha Lava.

Ha kane ka jingleit ban iashim bynta, Ka Rephica kala lah ban pyndep ia ka thong ha ka 8 hrs 47 min 29 sec, katba ia ka kyrdan kaba nyngkong bad ba lai jong kane ka jingiakob la rah ia ki da ki nongwan iashim bynta na Darjeeling bad Goa.