Wan ïamir jingmut ka Startup India bad ki samla Kiang Nangbah Govt. College
JOWAI: Ka Startup India Meghalaya Yatra kaba ïatreilang ka sorkar pdeng lyngba ka Ministry of DoNER bad ka Sorkar Jylla kala wan hiar sha nongbah Jowai bad kala pynlong ïaka prorkam ïamir jingmut bad ki samla pule ka tnad Commerce ha Kiang Nangbah Government College haka sngi Nyngkong.
U Aakarshan Sethi u Consultant jong ka Startup India, ula ïathuh ba ka jingthmu ba ka Startup India kala wan hiar sha kane ka thaiñ ka dei ban wan ïathir jingmut bad ki samla kiba kwah ban sengkam bad ba kin long ki nongai kam ym ki nongwad kam.
![](https://www.syllad.com/wp-content/uploads/2024/09/JIT-Vacancy-823x1024.avif)
Naduh ba sdang ka Startup India da ki hajar ki samla ka ri kila myntoi na kane ka skhim bad shibun ki company kiba dang lai snem saw snem kila paw bha hapoh ka Ri bad kyntu ïaki samla ka thaiñ ban shimkabu na kane ka skim bad pynrung kyrteng ialade ban ieng hala ki jong ki kjat.
“Ka Startup India kadei ka shlem ban ai mynsiem, ban hikai kumno ba ki samla ki tynrong halade ïaka jingkitkhlieh ban seng kam da ki buit thymmai bad ban ai kam ïa kiwei kiwei ruh. Phi ki samla phi dei ki lawei jong ka ri, phi dei ban long ki nongïalam bad nongaikam”, la ong u Aakarshan.
U Aakarshan ula ong ba haba sdang ïa kano kano ka kam dei ban lah ruh ban weng ïaki jingeh jong ka kam ban poi sha ka thong bad ban kiew ka kamai ka kajih. Ula ong ruh ba lyngba ka Startup India yn hikai ha baroh ki liang ïa ki lad kumno ban kyntiew ïa ki jait kam bapher bapher bad ka sorkar kan iarap ban pyniar iaka kam la haka koit ka khiah, ka pule ka puthi, ka kam seng kharkhana, company bad kiwei kiwei kyntiew ïaka lad iohkam iohjam.
Leave a Reply