Wan iashim bynta haduh 809 ngut haka State Level Inter School Athletic Meet 2024
Ka State Level Inter School Athletic Meet 2024, ba la khot pynlong da ka Tnat Directorate of Sports and Youth Affair ka Sorkar Jylla bad ka Meghalaya Athletics Association ka la sdang ha ka 22 tarik Jymmang ha ka madan ialehkai jong ka Sports Authority of India (SAI), ha STC, NEHU, Shillong.
Ha kane ka sngi la ia don lang u Bah John F Kharshiing, Working President ka Meghalaya State Olympics Association kum u Kongsan ha ryngkat ka jingiadon lang u Bah K Passah, Assistant Director of the Directorate of Sports & Youth Affairs; Darlene M Khonglam, Sports officer; Finely Pariat, Secretary ka Meghalaya Athletics Association; District Sports Officer bad ki nongmihkhmat naka Athletic Federation of India (AFI), kaba kynthup ia u nongialehkai Olympic na Australia u Ian Campbell uba la pyniaid ia ka training session na ka bynta kiwei pat ki nongpyniaid.
![](https://www.syllad.com/wp-content/uploads/2024/09/JIT-Vacancy-823x1024.avif)
Haba kren ha ka jingialang, u Bah John Kharshiing u la pynshlur ia ki khynnah ba kin ai ia kaba bha tam, kata da kaba pynpaw ruh ba ka Meghalaya ka don ia ka jingthmu ban khot pynlong ia ki National Games ha ki snem ki ban wan.
U la pynpaw ruh ia ka jingsngewhun halor ka jinglah ban pynlong ia ki annual states games ha ka Jylla bad kyntu ruh ia ki nongiashim bynta ba kin nangkyntiew bad pyntbit ha ki kam ialehkai kiba ki don.
Katba na ka liang ka Kong Darlene Khnglam ha ka jingkren ka la ong ba mynta u snem ki la don haduh kumba 809 ngut ki khynnah kiba la wan iashim bynta, kata kaba kynthup ia 397 ngut ki shynrang bad 412 ngut ki kynthei nalor 36 ngut ki team officials.
Ka la kdew ruh ba ka jingpynlong ia kane ka jingialehkai sports da ka Tnat Directorate of Sports & Youth Affairs ka sorkar jylla ka thmu ban btin lynti ia ki khynnah ialehkai ba kin nanglah ban kiew shaphrang.
Kum ki kynhun kiba la mihkhmat ia ki district, ki khynnah kiba wan iashim bynta ha kane ka lymgpung kin kynthup ha ki lai kyrdan, kata ki Under 14, Under 16 bad Under 18 na ka bynta ki shynrang bad kynthei.
Kane ka Inter School Athletic Meet 2024 kan wanrah ruh ia ka jingiatylli hapdeng ki khynnah ialehkai na ki district bapher bapher jong ka Jylla, bad ka thmu ruh ban btin lynti bad ban sei ia ki khynnah kiba tbit naduh tynrai bad shaduh ki national bad ki international level.
Ki nongjop ha kane ki jingiakop ha kane ka sngi kaba nyngkong ki long:
Under – 14 Girls – Long Jump
Daka Shadap – West Jaintia Hills – 4.12 m – Gold
Lamlynti Rymbai – West Jaintia Hills – 4.08 m – Silver
Shleijingkmen Nongsiej – Eastern West Khasi Hills – 3.86 m – Bronze
Under – 16 Boys – High Jump
Brilliance S Marak – South Garo Hills – 1.70 m – Gold
Chijimra G Momin – North Garo Hills – 1.59 m – Silver
Elthan G Sangma – South West Garo Hills – 1.59 m – Bronze
Under – 16 Boys – Shot Put
John Milton Sohphoh – West Khasi Hills – 11.27 m – Gold
Brayanly A Sangma – South Garo Hills – 11.27 m – Silver
Mewaki Ashton Rashir – Eastern West Khasi Hills – 10.97 m – Bronze
Under – 18 Boys – Discus Throw
Victor Mayanglambam – West Jaintia Hills – 28.95 m – Gold
Ringsong Wegado R Marak – South Garo Hills – 28.85 m – Silver
Paiabantei Sylliang – Ri Bhoi – 28.02 m – Bronze
Under – 18 Boys – Long Jump
Rihulstar Timung – Ri Bhoi – 5.92 m – Gold
Jebirth Ch. Momin – West Garo Hills – 5.91 m – Silver
Lawanphrang Lyngdoh Maw – Eastern West Khasi Hills – 5.78 m – Bronze
Under – 18 Girls – High Jump
Junima G Momin – North Garo Hills – 1.37 m – Gold
Santima Makri – Ri Bhoi – 1.35 m – Silver
Leviansa D Marak – South West Garo Hills – 1.33 m – Bronze
Under – 18 Girls – Shot Put
Aramchi Daldora Ch Marak – South Garo Hills – 8.03 m – Gold
Dilme Ch Marak – South Garo Hills – 7.60 m – Silver
Chingkira M Sangma – North Garo Hills – 7.57 m – Bronze
Leave a Reply