Wan ïashimbynta da ki spah ngut haka District Level Sports Tournament
JOWAI: Palat 200 ngut ki khynnah ïalehkai sports kila wan ban ïashimbynta haka ‘District Level Sports Tournament 2019’ kaba lai sngi lynter kaba la pynhap pyrda haka sngi Nyngkong ha madan ïalehkai ka shnong Ummulong.
Ïa kane ka lympung la pynlong da ka Ummulong Sports Social & Cultural Club (USS&CC) ryngkat bad ka jingïatreilang ka Nehru Yuva Kendra (NYK) Jowai. Ha kane ka tournament la pynlong har rukom ki jingïalehkai kane ka tournament naduh ka Badminton, Athletic, Football bad kiwei kiwei ki jingïalehkai tynrai.
Haka jingïakhun football phainal ka Pohhali FC ka la pynliem da 1-0 ïaka Iong-I FC. Naki kynthei Lumshyrtoh FC ka la ïoh rah ïa ka nam lahduh da kaba pynliem da 1-0 ïa ka Nongrim FC .
Ha ka Long Jump ki shynrang u Banteilang Lamare ula wan nyngkong, ba ar u Tripleson Laloo bad ba lai u Silverstar Rymbai.
Na ki khynthei haka Long Jump ka Emidabiang Lamare kala wan nyngkong, ba ar da ka Emidaka War bad ba lai ka Kyrsoi Suting; haka High Jump pat ïa nam ba nyngkong la ïoh da ka Emidaka War, ba ar Dashisha War bad balai Shidahun Shullai.
Haba phai sha ka ïatan tyllai (Tug of War) ka Combine Friends FC kala long lahduh kaba wan ba ar pat ka Tyllilang Sports Club.
Haka Badminton para marwei u Samborlang Lamare ula long u lahduh, ka nam baar la ïoh Ebormi Muksor.
Haka jingmareh 100 meter race na ki shynrang u Banteilang Lamare ula wan nyngkong, ba ar u Kyrshanmiki Dkhar bad ba lai u Tripleson Laloo.
Ha ka jingïalehkai Mawpoiñ ka Ksehlakiang SC bad ka Chaphrang FC kila long ki namtam.
La sam ïaki khusnam sha ki nongjop u Ma M Shylla, Chairman Ummulong Dorbar Shnong haka jingïadonlang u Ma Isaia Muksor, Secretary All Jaiñtia Cricket Association bad kiwei kiwei ki rangbah.
Facebook
Instagram
Youtube
Twitter
Leave a Reply