Wan jngoh u ADG (EC) ka BSF Kolkata iaka Meghalaya Frontier

Syllad | The Rising MeghalayaOctober 22, 2024

U ADG, Eastern Command, Kolkata BSF u Ravi Gandhi u la pynlong ka jingwan jurip ba ar sngi ia ka Meghalaya Frontier ha ka 20 bad 21 tarik u Risaw bad pynlong ka jingbishar bniah halor ka jinglong jingman bad ki kam shongshngain bad iamir jingmut ruh ha kaba iadei bad ki kam iada khappud.

Ha ka 20 tarik u Risaw la pdiang sngewbha ia une u ADG da u IG ka BSF Meghalaya, u Harbax Singh Dhillon lem bad kiwei pat ki heh shipai. Une u heh shipai u la ioh ruh ban iamir jingmut bad ki nongshnong shnong ki thain khappud jong ka West Garo Hills hapoh BOP-Bahadur, 50 Bn BSF.

Katba ha ka sngi kaba bud, une u ADG u la ioh pdiang ia ka jingleh burom hapoh FTR BSF HQ Meghalaya bad pynlong ruh ia ka jingiamir jingmut bad ki heh shipai hadien ba la ioh ia ka jingpynshai na u IG Harbax Singh Dhillon ha kaba iadei bad ki jingpynkhreh jong ka tnad shipai ha ki jaka khappud.

U ADG u la leit iakynduh ruh ia u Chief Secretary ka sorkar Meghalaya u Bah Donald Phillips Wahlang, IAS  kumjuh ia ka Kong Idashisha Nongrang, IPS, u DGP ka jylla Meghalaya.