Wan phai ïing noh ka HK Singh Memorial SS na ka Subroto Cup

Syllad | The Rising MeghalayaOctober 7, 2023

Ka HK Singh Memorial Secondary School, Jowai kaba mihkhmat iaka jylla Meghalaya haka 62nd Edition jong ka Subroto Cup International Football Tournament Under-14 (Sub Junior Boys) kala hap ban wanphai iing noh hadien ba kala liem haka quarterfinal pyrshah iaka Chawngfianga Middle School Saidan, Kolasib, Mizoram.

Ha kane ka jingialehkai ka HK Singh Memorial Secondary School kala liem da 1-0 haka Mizoram. Ia kane ka kol ka Mizoram kala thep haka 16′ minit bad kane kol kala neh haduh bala wai ka por ialehkai.

Kumban shu iathuh, ka HK Singh kala ioh ban ialehkai tang ar sien haka wat kaba nyngkong ha kaba la jop da 3-0 pyrshah iaka Sainik School bad 1-0 pyrshah iaka Maharashtra namar ba bun tylli ki skul kynthup ka Sainik kila phiel iaka medical examination hadien ba kila pynrung player da kiba heh rta bad shah weng na ka tournament.

Shuwa ban jam sha ka quarterfinal ruh ka HK Singh Memorial SS, kala ioh rung suk hadien ba shah weng sa ka IPSC.