Wan plie u Cherishterfield ïaka Mait Shaphrang Football Tournament ka KSU
JOWAI: U Bah Cherishterfield Thangkhiew nongïalam barim ka HNLC uba bala wan pyndem wait; ula wan ban plie ïaka football tournament kaba tip kum ka ‘1st Mait Shaphrang Football Tournament’ kaba pynïaid da ka Khasi Students’ Union (KSU) Iooksi Unit ha Madan Mooblang haka sngi Saitjaiñ.
Ha kane ka lympung ki don haduh 32 tylli ki kynhun kiba la wan ban ïahimbynta.
La sdang ïa kane ka lympung ïalehkai da ka jingïakhun hapdeng ka Saphai SSCC pyrshah ïaka Priang SC. Ha kane ka jingïakhun ka Priang SC kala jop da 1 kol.
U Bah Che, haba kren kum u kongsan haka jingïalang ban plie ïa kane ka lympung ula ong “Bun ki samla ka juk mynta kila ngop haka jingkyrni haka jingdih ïaki kynja jingdih ba pynbuaid, hynrei da ka jingpynlong ïa kum kine ki lympung ïalehkai kan ïarap ïa ki khun samla ban ïoh pynbyrngia ïalade haka jingïalehkai bad ban lait na ki jingmlien ba sniew.”
U Bah Che ula kyntu ïaki samla ban phai khmat sha ka kam ïalehkai namar nalor baka a ïarap ïaka met ban ïoh ka met kaba koit khiah, ka pynlong ïa u nongïalehkai ban sumar syndong ïaka akor bad mynta lei ka sport kadei kawei naki lad ban ïoh kamai kamjih.
La ïadonlang u Ohibait Dkhar, President KSU Jaiñtia Hills, Shaniah Shkem Dkhar, Assistant Finance Secretary, u Nangaibormi Sutnga Nongaibuit ka KSU Iooksi bad kiwei kiwei.
Facebook
Instagram
Youtube
Twitter
Leave a Reply