Wan plie u Eugeneson Lyngdoh iaka phutbol ka skul St. Joseph’s SS Nongtalang

Syllad | The Rising MeghalayaNovember 13, 2021

U Eugeneson Lyngdoh, MLA ka Mawphlang ula wan ban plie paidbah iaka lympung ialehkai football ka skul St Joseph’s Secondary School Nongtalang haka sngi Thohdieng ha Nongtalang.

Kane lympung ialehkai ka dei ka 2nd St. Joseph’s Knockout Football Tournament 2021. Ka khusnam pisa ha kane ka lympung ka long T.5 lak bad la pynlong ia kane ka tournament ban pynmih pisa ban pynbiang iaki jingdonkam ka skul.

U MLA Mawphlang Constituency u Eugeneson Lyngdoh haba kren kum u kongsan ula ong “Ka jingthmu jong ka skul kan nym long kaba seisoh lada kam don ka jingkyrshan jongphi baroh.” Ula ai mynsiem ia baroh ki nongialehkai bad ki kynhun kiba iashimbynta ha kane ka tournament.

“Ka pule puthi ka dei ka atiar kaba kongsan ia u briew bad ka sienjam kaba shim ka bor pyniaid skul ka St. Joseph’s ban pynlong ia kum kane ka tournament ban pynbha iaka skul kalong ba baroh ki nongshong shnong ki dei ban ai ka jingkyrshan khnang ba kane ka skul  kan lah ha kaban ai iaka jingshakri kaba bha tam.” ula ong u Eugeneson.

Kiwei kiwei kiba iadonlang ki dei u Assistant Executive Engineer u Ma Markus Pohsnem kum u symbud kongsan, u Headmaster ka skul St. Joseph’s Secondary School Nongtalang u Babu Anthony Pohrmen, ki nonghikai ka skul lem bad ki riew rangbah, ki riew pawkhmat ka thain, ki nongkitkam jong ka skul bad kiwei kiwei.