Wan pyndem uwei u ehrang ka HNLC uba donkti pynbthei bomb ha Star Cement bad Khliehriat Reserve Police
Uwei u ehrang jong ka Hynniewtrep National Liberation Council (HNLC) ula wan pyndem hi dalade ha khmat u Additional Deputy Commissioner, East Jaintia Hills District haka sngi Palei.
Une u ehrang u dei u Emanuel Suchen u dei uba naka shnong Lumshnong.
Ka khubor kaba iohlum une u Emanuel ula wan pyndem khlem kino kino ki tiar ialeh.
La ithuh ba ka jingtohkit jing ki pulit kala iaid shakhmat hadien ka jingwan pyndem une u Emanuel.
U Myntri Kam Pohiing Ma Lahkmen Rymbui, ula ong ong ba une u Emanuel ula pyniasoh ialade bad ka HNLC ha u snem 2002 bad ha u snem 2008 ula shah kem bad shah pynngat haka kyndon aiñ MPDA bad hadien ba ula lait phatok ula leit phai biang sha ka HNLC.
Ula ong ruh ba haka jingtohkit ia une u Emanuel, ula phla ba u donkti ban pynbthei bomb ha Star Cement bad ha Khliehriat Police Reserve, East Jaintia Hills District.
Facebook
Instagram
Youtube
Twitter
Leave a Reply