Wanphai biang Naba Bhattacharjee kum President Meghalaya Cricket Association

Syllad | The Rising MeghalayaOctober 23, 2022

U Naba Bhattacharjee, u nongprat lynti ia ka jingialehkai Criket bad ba don bynta ruh ha kaban pynlong ia ka jylla Meghalaya ba kan da don noh kham shajan jong ka thong ban ioh ban iakhun ne aireng ha kiba bun ki lympung bah ialehkai kriket ba don haka ri, sa shisien u la lah ba un wanphai biang kum u president ka Meghalaya Cricket Association (MCA).

Kane ka jingwanphai biang jong u Naba ka jia long hadien baka MCA haka sngi Saitjain, ka la leit sha ka jingalang ban jied bad pynthymmai ia la ki dkhot nongkitkam ba pura ki jong ka, ia kane ka jingialang ba la bynrap artad da ka elekshon, la pynlong ia ka La Nicholas Resort, Umbir, Ri Bhoi District.

Ia ka elekshon jong kane ka jingjied bad pynthymmai ia ki nongkit  kam la lah ruh ban pynlong hapoh ka jingpeit ne pyniaid iaka da uwei na ki rangbah ophisar ba la paw bad ba la ka jylla u bah W Khyllep uba la shimti kum u Electoral Officer jong kane ka jingiajied nongkit kam ka MCA mynta ka  kynti.

Ki nongiashim bynta sha kane ka jingjied ia ki nongkit kam ki kynthup ia ki dkhot ki 11 tylli ki synjuk ialehkai kriket ba la don ha kane ka jylla.

Nalor u Naba Bhattacharjee, ka kam vice president  ka leit sha u bah Rayonold Kharkamni,  u bah Gideol Lamphrang Kharkongor u la la shah jied biang sa shisien ban bat kum u Hony Secretary, katba ka kam Jt Hony Secretary ka leit sha u Chiang D Shira, Hony Treasurer la ioh ban bat biang ia ka da u Dhrubajyoti Thakuria bad dkhot (Councillor) Apex Council ka leit sha u Sengnam Momin.