Wanphai biang u MDC Shangpung bad MDC barim ka Nangbah sha ka UDP

Syllad | The Rising MeghalayaFebruary 5, 2022

U MDC jong ka Shangpung u ma J Treilang Suchiang ula wanphai biang sha ka seng United Democratic Party (UDP) haka jingialang kaba long ha Infinity hall, Ladthadlaboh haka sngi Saitjain.

Une u MDC u dei uba jop naka ticket UDP ha u snem 2019 pyrshah ia u Kilometer Lytan. Hadien katto katne ula iasoh bad ka BJP bad NPP.

Tang hadien shisnem tam ba u pyniasoh ialade bad ka NPP une u MDC ula wanphai pat sha ka UDP.

Ka UDP West Jaintia Hills District ban pynkhlain iaka party ryngkat ka jingseng jingkraw ia une u MDC ba un long uba iaineh bad skhem haka jingmut pyrkhat bad don iaka nongrim kaba skhem.

Also Read | Haka sien nyngkong la pynher iaka drone ban kit ia u shynrai Lakadong ha Rilum Jaintia

Nalor u J Treilang Suchiang ha kane ka sngi ka UDP kala pdiang ruh ia u MDC barim u ma Shemhok Garod uba na shnong Nongbah.

Ha kane ka jingialang la iadonlang u District President Moonlight Pariat, general secretary Kitbok Nongtdu, Myntri Sorkar uba long ruh president UDP War Jaintia Circle, ma Lahkmen Rymbui, MLA Nujorki Sungoh, nalor kiwei kiwei.