Wanphai ka Kong Claudia kum ka SP East Khasi Hills & bujli SP haki 5 district

Syllad | The Rising MeghalayaFebruary 9, 2019

SHILLONG: Ka sorkar jylla ka la rai ban thung noh ia ka Kong Claudia Lyngwa IPS kum ka Superintendent of Police (SP), East Khasi Hills District bad ka la bujli ruh ia ki SP jong ki san tylli kiwei pat ki district ha ka jylla.

Katkum ka tyllong khubor, ka Kong Lyngwa kaba long ka Commandant 1st MLP Battalion kan bujli noh ia u SP ba mynta Davis N R Marak, IPS. U Marak u la shah bujli kum u SP (VIS), Shillong ha ka jaka jong u SP (VIS) ba mynta u Rithuraj Ravi IPS.

U Ravi yn leit shimti noh kum u SP jong South West Garo Hills  ha jaka jong u SP ba mynta Bobby S W Momin uba la shah thung noh kum u SP (SB-II). U Debangshu D Sangma, IPS SP, Anti-Infiltration Directorate yn shimti noh ia ka  jaka ka Kong Lyngwa kum Commandant 1st MLP Battalion.

Shuh shuh u Bah Banshan J Laloo, MPS uba long u SP Traffic East Khasi Hills District mynta u la shah pynkynriah kam noh kum u SP West Khasi Hills District bad u Bikram D Marak, MPS, Deputy Commandant, 4th MLP yn shimti noh kum SP (Traffic), East Khasi Hills.

U Bah Maxwell B Syiem MPS, (SP, SB-II) yn leit noh kum u SP South West Khasi Hills ha ka jaka jong u Bah Herbert G Lyngdoh, MPS as SP South West Khasi Hills District, uban leit shimti ia ka shuki SP Economic Offences Wing under CID Shillong.

La shah pynkynriah kam noh ia U Bah M Kharkrang, IPS Special SP (SB-I) kum u Assistant Inspector General of Police (R) bad u Bah G D Kharwanlang MPS, SP West Khasi Hills yn leit ha ka jaka u Bah Kharkrang kum SSP (SB-1).

U Vivekannada Singh IPS, Commandant 4th MLP Battalion yn leit shimti ia ka khet SP East Jaintia Hills District na SP ba mynta U Bah S Nongtnger, MPS yn bat noh ia ka shuki SP, Anti-Infiltration Directorate, Shillong.

U Bah Spill Thamar, MPS SP Ri Bhoi District yn bat noh kum u Commandant 4th MLP Battalion  ha ka jaka u Singh katba u Bah Thamar u la shah bujli ha U Commandant 6th MLP Battalion u Bah C Syrti, MPS kum ka SP Ri Bhoi District.

Ka Mary G T Sangma MPS 2nd In Commandant MLP Battalion kan shimti ia ka shuki Commandant of 6th MLP Battalion na u Bah Syrti.

U Lethindra Sangma, MPS, additional SP East Jaintia Hills District un shimti noh ia ka kyrdan Deputy Commandant 3rdMLP Battalion, Sahbsein bad u Additional SP SF-10 ba mynta u Chauenali Sangma, MPS un shimti ia ka jaka jong u.

U Kamakhya Prasad, MPS, Deputy Commandant 4th MLP Battalion yn bat noh ia ka shuki 2nd in Command 1st MLP Battalion katba U T C Chakko, MPS, Additional SP SF-10 yn long noh u Deputy Commandant 3rd MLP Battalion.

U Bah Rangkitbok Tariang, MPS Assistant Commandant 4th MLP Battalion yn bujli jaka noh bad U bah Jason Myrom, MPS, SDPO Amlarem.

Ka sorkar ka la kyntiew kyrdan ia ka kong Restina Pathaw MPS, Assistant Commandant 1st MLP Battalion sha ka additional SP bad kan long noh ka Additional SP SF-10 ha jaka u Chack bad la kyntiew kyrdan ruh ia u D W Kharbuki, MPS, DSP (DSB) kum u Deputy Commandant bad un bat ia ka shuki Deputy Commandant 4th MLP Battalion ha jaka u Prasad.