Wanrah ka Sorkar ia ka Shillong Medical College ban pynkhlain ia ka lain pule doktor: Ampareen

Syllad | The Rising MeghalayaMarch 4, 2025

Ka Myntri ka Tnad ka koit ka khiah ka Kong Kong Ampareen Lyngdoh ha ka 3 tarik Lber ka la ong ba ka sorkar ka la wanrah ia ka Shillong Medical College da ka jingthmu ban pynkhlain ia ka lain pule doktor bad ki lad jingsumar hapoh ka Jylla.

“Baroh ki jingpynkhreh ki dang iaid shakhmat na ka bynta ban sdang noh ia ka batch kaba nyngkong jong ka samoi jingpule, kata kaba shong ha ka jingai jingmynjur jong ka NMC,” ong ka kong Ampareen haba kren hapoh ka Iingdorbar.

U Nongialam ka Liang pyrshah u Mukul Sangma haba pynpaw ka jingsngewkhia u la ong ba kam don satia ka jingshai ha kaba iadei bad ka jingiaid jong ka project wat hapdeng ka jingthmu jong ka sorkar ban sdang noh ia ka samoi jingpule mynta u snem.

Halor kane ka Myntri ka la ong ba ka Tand ka dang pynkhreh shaid shaid na ka bynta ban pyntreikam noh ia ka Shillong Medical college.

“Ngi la pyndep ha kaba iadei bad ka jingpyniasoh bad ka skulbah North Eastern Hill University (NEHU),” ka la ong haba pynpaw ba ia ka Pasteur Hill la pynkylla mynta sha ka Academic Block.

“Ka dei ki jingtei kiba la don lypa, ngim donkam ban tei iaka hospital kaba thymmai namar ngi peit ïa ki jingtei kiba don lypa bad ngi dang peit ïa ki briew kiba la don lypa…ngi dang peit lano ka NMC kan wan ban jurip,” ka la bynrap.