Wanrah ka Tata AIA ia ka ‘Tata AIA Small Cap Discovery Fund’

Syllad | The Rising MeghalayaJuly 21, 2023

Ka Tata AIA Life Insurance (Tata AIA), kaba long kawei na ki shnat kaba hakhmat eh ha ka liang ki jingshakri kiba iadei bad ka life insurance, ka la pynmih ia ka Small-Cap fund kaba nyngkong eh, kata ka Tata AIA Small Cap Discovery Fund.

Kane ka rukom buh pisa kaba thymmai ka wanrah ki jingtyrwa na ka bynta ki nongbuh pisa ba kin shim kabu namar ba kane ka rukom buh pisa ka iarap ban pynkha bun ka pisa lada buh slem ïa ka hynrei ka jingbuh pat ka long tang khyndiat ia kaba ki lah ban buh ha ki stock jong ki iew khaii pateng.

Ka jingbuh pisa ha kane ka ka New Fund Offering (NFO) window kan long naduh ka 10 tarik U Naitung haduh 24 tarik U Naitung bad ka jingbuh kan long tang 10 tyngka shi unit, bad ia kane  lah ban leh tang ha ka por ba dang iaid ka NFO.

Ka Tata AIA Small Cap Discovery Fund kan buh ia ka pisa jong phi (haduh 65%) ha ki katto katne ki kompany ba la jied bad kiba dei ki kompany kiba rit bad kan wanrah ka jingtyrwa ban pyn ioh nong shibun lada buh slem ia ka pisa.

Kane ka fund ka wanrah ruh ia ka jingtyrwa na ka bynta ki nongbei tyngka bad ai ia ki ka kabu ba ki lah ban bei tyngka ha ki kam khaii pateng kiba rit hynrei kiba don ka lad ban kiew sha ki kompany kiba pdeng bad kiba heh.

Kito kiba don ia ka policy ha ka Tata AIA ki lah ban buh ia ka pisa jong ki lyngba a Company’s ULIP offerings, Fortune Pro, Wealth Pro, Fortune Maxima, Wealth Maxima, i Systematic Insurance Plan bad Smart Sampoorna Raksha Plus.                                

Nalor kane, ia ka pisa yn pyniasoh sha ka Tata AIA’s Param Rakshak Solutions. Kane ka plie lad plie lynti ia ki nongbuh pisa ba kin shim kabu ia ki jingmyntoi kiba bun da kaba buh slem ia ka pisa lyngba ka jingkiew jong ka kam bad pyntikna ban ioh ia ka jingiada na ka bynta kiba ieit bathoin jong ki namar ba ki lah ban ioh ia ka jingiada ha ka liang ka pisa tyngka ha ka jingim jong ki.