Wanrah u CM iaka jingiohlum pisa kaba duna 1849 klur, pynbna shikhung ki kam pynroi thymmai

Syllad | The Rising MeghalayaMarch 10, 2022

U Myntri Rangbah ka Jylla u Conrad K Sangma, haka sngi Balang u la wanrah ia ka mang tyngka kaba duna haduh T. 1,849 klur na ka bynta jong une u snem 2022 -2023 kaba long tang kumba 4.5 percent jong ka Gross State Domestic Product (GSDP).

Ka total receipt kalong T. 18,700 klur, bad ka the revenue receipts kaba T. 16,035 klur bad ka capital receipts T.2,665 klur, la pynpaw u Conrad hapoh ka iing dorbar.

Haba batai pat ia ka mat jingdon pisa kaba lait noh na ka jingshim ia ki ram kaba long  T. 2,632 klur, ka total receipts la khmih lynti ba kan kynjoh sha ka T 16,068 klur katba ka total expenditure ne jingpynlut ka long T. 18,881 klur, ka revenue expenditure T. 15,376 klur  bad ka  capital expenditure  ka long T. 3,505 klur.

U Conrad uba bat ruh ia ka kam pla tyngka, u iathuh ba ka jinglut jingsep baroh kan kynjoh ym duna ia ka T. 17,917 klur lait noh ia ka jingsiew ia ki ram ki shah kaba long T. 964 Klur.

Katba ka jinghap ban siew ia ka sut jong ki ram ba la dep ban shim jong u snem 2022-23 la  khmih lynti ba kan kynjoh ym duna ia ka T. 1,110 klur, katba ka jingsiew ia ka bai bam tymmen ne ka pension T. 1,469 klur.

Haba wanrah ia kane ka mang tyngka, u Conrad u la kam ruh ba ka jingwan ban lyngshop ka khlam Covid 19  ka la ktah bha ia ka ioh ka kot ha kiba bun ki bynta.

Kumba ka long mynta ka GSDP ha kane ka snem kaba mynta ka long T. 37,494 klur, katba ka GSDP  na bynta u snem 2022-23  ka long  T. 41,10 klur.

Nalor katta u Conrad u iathuh ba ha kane ka snem mang tyngka kaba mynta, ka sorkar jylla ka ioh ba kan lum T. 5,851 klur ia ka bhah lum khajna jong ka sorkar kmie na ka original estimates kaba long T. 5,105 klur.

Katba ka Special Capital Assistance Program, ka tnat Union Finance ka sorkar kmie ka la dep ba kan bhah ia ka mang pisa kaba long T.300 klur tyngka khnang ban lah ban pyntreikam ia kiba bun ki capital project, da kaba u la bynrap ba kine ki jingioh lum ia kum kine ki pisa, ka wanrah jingmyntoi bha ia ka sorkar jylla bad ai khublei ia u Myntri Rangbah duh bad kum ia ka Union Finance Minister.

Naka bynta u snem 2022-23, u Conrad u ong ba ka jingioh bhah ka jylla na ka khajna ba lum daka sorkar kmie la khmih lynti ba kan kynjoh ia ka T. 6,264 klur.

Nalor katta ka jylla kan ioh  pdiang ruh  T. 1,033 klur kum ka  revenue deficit grant, T. 76 klur kum ka grants na bynta ka  disaster management, T. 140 crore  naka bynta Autonomous District Councils, T. 69 klur naka bynta ka Urban Local Bodies bad sa T. 59 klur kum ka grants ka health sector, bad haba khein kyllum lang baroh, ka pisa ban sa ioh pdiang na ka sorkar kmie kan T. 7,641 klur,  bynrap u Conrad.

U Myntri Rangbah ula pynbna ruh ha iing dorbar iaki 21 tylli ki kam pynroi haka Jylla kiba kynthup iaki surok, umbam umdih, ban sdang iaka Ginger bad Spice mission, ka bus electric, bus khynnah skul ban pynjem iaka jingdheng kali ha sor Shillong.

Nalor kata ban sdang iaka Helicopter na Sohra, Dawki bad Williamnagar bad kiwei kiwei ki kam ban wanrah iaka roi ka par ba salonsar haka jylla.

Kine harum ki kam kiba la pynbna thymmai: