Wanrah u Conrad ïaka mang tyngka kaba T.17 hajar klur

Syllad | The Rising MeghalayaMarch 19, 2020

U Myntri Rangbah ka Jylla Conrad K Sangma ula wanrah ka Mang Tyngka kaba T.17, 375 Klur bad ka duna haduh T.1532 klur na ka jingiohlum ha une u snem 2020-21 ha kaba 3.53 percent ka dei naki mar kiba pynmih naka Jylla (Gross State Domestic Product (GSDP). 

Ka jingiohlum pisa ha une u snem 2020-21 la mang T.17, 375 Klur ha kaba ka revenue receipts la mang T.15,353 crore bad ka capital receipts T.2,022 crore, ong u Myntri Rangbah ka Jylla Conrad K Sangma. 

Khlem da ka khein ïaka ram kaba T.1,995 klur, baroh ka jingiohlum kan kot T.15,380 Klur, ula ong u Myntri Rangbahbad ka jingpynlut kan kot T.17, 432 Klur, ha kaba ka jingpynlut naka Revenue  expenditure la mang T.14,428 crore bad ka capital expenditure T. 3,004 Klur.

U Myntri Rangbah uba bat halade ïaka pla tyngka ka sorkar jylla ha kane ka mang tyngka la mang ban pynlut T.16, 912 klur khlem khein ïaka jingsiew ïaka ram kaba T.520 crore. Katba ka sut la mang ba kan kot haduh T.843 klur bad ka pension T. 1,208 klur

“Ha ryngkat ka mang tyngka, nga wanrah ïaka Vote on Account na ka bynta ka jingpynlut kaba lai bnai jong u snem 2020-21,” la ong u Myntri Rangbah bad bynrap ba ka jylla ka don ruh iaka ka thong ban ioh rung haka thup Top Ten na ki Jylla haka liang ka roi ka par bad ka GDP ha u snem 2030.

“Ngi lah ban poi sha kane ka thong namar ba ngi don ki plan ki policy ban jop,” la ong u Conrad bad bynrap ba kine ki buit ban poi sha kane ka thong ki dei ban pynbha iaka koit ka khiah, ka pule ka puthi, ka rep ka riang bad kam tei jingtei ne ki kam pynroi nalor ka lad iohkam ïohjam ïaki samla kiba la nang la stad.