Wat ïasam bad ïathuh lut shaphang ka jingim haka ‘Social Media’: Arki Wahlang
JOWAI: “Ka Social Media kadei ka lad ai jingtip kaba sted bha bad kadei ruh kawei na ki lad ban ïakren khana bad ki paralok bad ban ïasam ïa ki jingthoh, ki dur ki dar bad kiwei kiwei, hynrei kaba kongsan kalong ba ngim dei pat ban ïathuh lut shaphang ka jingim ha ka social media (facebook, whatsapp, Instagram bad kiwei kiwei) bad ki briew kiba ym ithuh namar ki riew shim kabu ruh ki stad bha kumno ban pynngop ïaki briew ba kin ïoh leh ki kam runar ruser jong ki,” la ong u Akri Wahlang, SI Jowai Police Station.
“Ka Social Media ka don haka jingmyntoi bad ka jingsniew, hynrei haba ngi pyndonkam ïaka ngi dei pat ban long kiba husiar bad ban kiar na kaba iasam bad iathuh lut ïaka jingim lajong,” la ong shuh shuh u Bah Arki haba kren kum u riew shemphang haka jingai jinghikai pynsngewthuh halor ka Social Media kaba la pynlong da ka Jingïaseng Kynthei Jowai Presbytery ha District Library Auditorium, Jowai haka sngi ba ar.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha kane ka jingai jinghikai nalor ki khynnah skul la ïadonlang ka Kong Diammon Bareh Chairperson Jingïaseng Kynthei Jowai Presbytery, Adviser Jingïaseng Kynthei Pastor CL Laloo bad kiwei kiwei.
Kaba ma shuh shuh mynta ki riew shimkabu, nyngkong kin ïathuh ïaka jingim jingman jong ki hadien pat kin ong ba ki kwah ban iarap ïa ki briew kiba kynduh jingeh jingpang bad har rukom ki rukom pynbiej ban phon ban pah bad kin sa pan ki bank account bad lada bakla tiak ha ka jaka ban phin ïoh pisa phin duh ei ka pisa nala ka jong ka account.
Nalor kata ym dei than ban sam ki dur ki dar shaki briew kiba ym ithuh ban lait na ka jingshah pyndonbakla, la ong u Arki Wahlang bad bynrap bad lada don mano mano ba shah pyndonkam bakla ïaki dur ki dar dei ban wad ïaki lad jingiarap mar mar.
U la kyntu ïaki khynnh skul ba kim dei than ban pynlut por haki social media bad kum ki khynnah skul pyndonkam ïaka technology na ka bynta ki kam skul ban myntoi ka pule ka puthi bad ban kiar na ka jingïalong paralok na ki briew kiba ym ithuh.
Leave a Reply