Ïatreilang u paidbah haka lockdown kut taiew ha West Jaintia Hills

Syllad | The Rising MeghalayaMay 8, 2021

Ka jingpynjari iaka Lockdown kut taiew ne Weekend Lockdown kala long kaba jop bad la sakhi ba ki paidbah ki iatreilang bad ka bor synshar District jong ka West Jaintia Hills haka sngi Saitjain.

U District Magistrate, West Jaintia Hills District, Garod LSN Dykes ula pynjari iaka Weekend Lockdown naduh 10 PM jong ka 7 tarik Jymmang bad kan kut haka por 5 AM jong 10 tarik Jymmang ha baroh kawei ka district.

Kane ka jingkhangdam la pyntreikam ha baroh ki district ka Jylla lait noh ka East Khasi Hills District kaba la hap ban pynjari da Total Lockdown.

Ka Shithi U DC | Kyntu ia baroh ban iatreilang ban lait babe hadien habud

La pynjari da ka Weekend Lockdown ban tem iaka jingsaphriang ka COVID-19 bad ban iada naka jingban khiah iaki nongtrei ka tnad ka koit ka khiah bad kumjuh ban iada iaka jingduh noh iaki jingim ba lui lui.

Ha ka hukum kaba la pynbna u District Magistor, Gatos LSN Dykes la pyrkhing iaka iaid ka ieng ki briew na kawei ka jylla sha kawei pat, hynrei kane kan ym treikam iaki kali ba iaid lyngba ka surok bah NH 6 sha Assam/ Tripura/ Manipur/ Mizoram.

Kane ka hukum kan ym treikam iaka tnad ka koit ka khiah bad ka jingai tika COVID-19.

Ia ki essential services ba kynthup iaka Food Cooperation of India, Electricity, Water Supply, Security, Municipal Services. Fire & Emergency Services. National Informatics Centre and Telecom communication Services.

Ka jingkit jingbah iaki mar bam mar dih

Ki nongthoh bad ki nongring khubor

Ki nongrep bad iaki kam ka MGNREGA haki jaka nongkyndong

Baroh kiba dei duty COVID-19.