Weng mardor iaka phlim ‘Thong Iong Nga’; ong ki trai phlim iaki youtuber

Syllad | The Rising MeghalayaOctober 9, 2024

Ka Eva Yan Pictures Production bad Pyllum Ksoo Production kiba dei ki nongpynmih iaka phlim ‘Thong Iong Nga’ kila dawa na baroh ki youtuber ban weng mardor iaka phlim na ki channel jong ki, lym kumta kin iaid daka lynti jong ka aiñ.

“Ngi, ki nongpynmih iaka phlim ‘Thong Iong Nga’ kaba la pyllait kyrpang haka Hello Meghalaya (ka rynsan OTT ka Jylla Meghalaya), ngi la ioh jingtip ba don kiba leh khlieh shrieh khlem ka jingtip jong ngi ban record/upload ha ki rynsan youtube channel bapher bapher. Kane ka long ka jingpynkhein iaka ain haba paw pyrthei khlem da khein iaka hok longtrai katkum ka Indian Copyright Act, 1957, bad ka ain International Intellectual Property Laws,” la ong ka trai phlim, ka kong Simi Khongtiang.

Kumta kim ka nongpynmih ia kane ka phlim, “ngi dawa ba baroh ki channel YouTube ki dei ban weng mardor ia baroh ki copy jong ka ‘Thong Iong Nga’ na ki channel jong ki bad kiba leh pyrshah yn ujor pyrshah iaki sha ki bor jong ka aiñ kumjuh sha kja youtube haduh ka 11 tarik Risaw.”

Kine ki nongpynmih phlim kila kyntu ruh iaki youtubers hapoh ka jylla ba kin pynmih bad pyni da ki sap ba kyrpang ka jong ki hi ha kaban thaw bad ban shna ia kino kino ki video bad ban burom iaka hok longtrai bad jingtrei shitom jong kiwei.