Weng noh ka JAC ïaka jingïakhih hadien bala thung Nurse ha Namdong PHC

Syllad | The Rising MeghalayaMarch 27, 2021

Ka Joint Action Committee (JAC) ba kynthup ïa ka FKJGP, KSU bad Synjuk Waheh Shnong Namdong Area kila weng noh ïaka jingïakhih shong kyllaiñ myngngor ha khmat ka Namdong PHC mynta ka sngi hadien ba kla tnad ka koit ka khiah kala thung ar ngut ki staff nurse ha kane ka jaka sumar.

Ka JAC kaba la thmu ban pynlong jingïakhih shong kyllaiñ myngngor ha phyllaw ka Namdong PHC, hynrei larai ban weng hadien ka jingkhot iakren u Dr T Suchiang uba dei peit iaka PHC bad uba la pyntip ba ka ophis u DMHO kala shimkhia ban pynïoh iaki mat jingdawa ka JAC.

“Ngi la rai ban sangeh shwa ban shong kyllaiñ myngngor namar ba ka ophis jong u DMHO kala kular ban pynbiang ïaki jingduna ka Namdong PHC,” la ong u Chairman ka JAC u DS War.

Ka JAC kala kyntu ruh ïa u doctor bad ïa kiwei ki nongtrei ha kane ka PHC ba kin wan trei tista bad ban ai ka jingshakri kaba pura ïa u paidbah naduh ban pynioh iaki syrnod birth & death certificate nalor kiwei kiwei ki jingdonkam u paidbah ba hap hapoh kane ka PHC.