Weng noh ka yatra committee iaka rai leit pilgrim ha krem Mawjymbuin

Syllad | The Rising MeghalayaAugust 14, 2024

Ka Yatra Committee haka 14 tariik Nailar kala weng noh iaka rai ban pynlong iaka jingleit pilgrim ha krem Mawjymbuin kaba don ha Mawsynram, East Khasi Hills.

Ia kane ka rai la pynpaw da u Advocate uba mihkhmat ia ka Yatra Committee ha ka por ba shong bishar ia ka WP(C) 275 jong u 2024 hapoh ka iingbishar High Court ka Meghalaya.

Ka iingbishar ka la pdiang ia kane ka rai jong ka Yatra Committee bad mynjur ruh halor ka jingdonkam ban thaw ia ka Committee na ka bynta ban iada bad sumar ia ka krem Mawjymbuin, kane ka long katkum ka jingpynpaw da u Bah V G K Kynta u nongiasaid ain uba la mihkhmat ia ka Dorbar Shnong Mawsynram.

Lah ban kdew ba ka iingbishar High Court ka Meghalaya ha ka 8 tarik mynta u bnai ka la kyntu ia ka Dorbar Shnong Mawsynram ba kan pynbeit ia kane ka mat da kaba ai ia ka No Objection Certificate (NOC) na ka bynta ban shah ban pynlong ia ka jingleit lehniam shapoh ka krem Mawjymbuin. Ka iing bishar kala pynmih iaka hukum haka jing shong bishar ia ka WP(C) No. 275 jong u 2024 ba la ujor da ka Yatra Committee pyrshah ia ka Jylla Meghalaya bad phra ngut kiwei apt ki nongshah mudui hadien ba ka Dorbar Shnong Mawsynram ka la kyntait ban ai NOC na ka bynta ban pynlong ia kane ka jingleh niam ba ju pynlong man la u snem hapoh ka krem Mawjymbuin.