Weng speed breaker ha Jowai ba suki iaid ki kali ong ka synjuk ki taxi kamai

Syllad | The Rising MeghalayaSeptember 27, 2022

Ka synjuk ki taxi kamai ka West Jaiñtia Hills Taxi Owners Drivers Association (WJHTODA) kala kyntu ia u Deputy Commissioner, Jowai ban weng iaki speed breaker ba la suki palat ka jingiaid ki kali bad ktah iaka por leit por wan u paidbah.

U General Secretary WJHTODA U Nantei Shangpliang ula ong, na kaliang ka synjuk kila wan iakynduh ia u DC ban pynsngew ha u ïaka jingeh ba ki īakynduh haba īadei bad ka jingbun palat ki speed breaker hapoh ka sor Jowai naduh New Hill haduh Mihmyntdu.

Ka synjuk kala ong ba namar ka jingbun palat ki speed breaker mynta kala ktah bha shibun ïaka leit ka wan ki paidbah naduh ki khynnah skul haduh ki nongtrei ophis bad kim poi biang por sha ka jaka kaba ki thmu namar ba laa suki palat ka jingiaid ki kali.

Pule | Kyndang ne weng shi syndon iaki har rukom ki jingtei hapoh 50 meter na Wah Myntdu

U DC ula kular ban pynkynriah ïaki speed breaker, hynrei ym dei baroh shi syndon bad yn weng iaki ha kano kano ka por la ong une u nongialam ka synjuk ki taxi kamai.

U ma Shangpliang ula iathuh ruh ka kamai kajih jong ki nongkamai taxi ruh kala shah ktah ha kine ki sngi hadien bala buh ia kine ki speed breaker ba la jur palat ka jingsahkut kali bad kila kyntu ia u DC ban weng ia kine ki speed breaker ban pynjem iaka jingsahkut kali khlieh la ka sngi.