Wer iashimbynta u DC WJH sha ka Marathon

Syllad | The Rising MeghalayaApril 26, 2022

Ka ophis u Deputy Commissioner, West Jaintia Hills District ka khot wer iaki nongshimbynta sha ka North East Festival – 2022 Marathon-Cross Country Run ka ban long haka 30 Iaiong 2022 naka bynta ki shynrang bad kynthei.

Kane ka marathon-cross country la pynlong da ka jingiatreilang bad ka ophis u DSO, WJH kum shibynta ka jingrakhe Azadi ka Amrit Mahotsav ne ka jingrakhe iaka jingdap 75 snem ka jingioh laitluid ka ri.

Kan don ka khusnam pisa ia kiba jop bad ka khusnam kyrpang ia kiba la tymmen bad kiba khynnah tam

Ki nongiashimbynta ki dei ban leh shuwa iaka Spot Registration ha Kiang Nangbah Indoor Stadium, Jowai haka por 5:30 am bad ka jingmareh kan sdang haka por 6 Am.