Wer ka KSU sha ka jingialang pynshai paidbah halor ka CAA ha Khliehriat

Syllad | The Rising MeghalayaFebruary 13, 2020

KHLIEHRIAT: Ka Khasi Student’s Union (KSU), Khliehriat Circle ka khot ka wer ïa u paidbah ban wan sha ka jingialang pynshai paidbah halor ka Citizenship Amendment Act (CAA) kaban long haka 15 tarik u Rymphang haka por 11 baje mynstep ha Khliehriat ha ka jaka bala pynieng ïa u mot u Woh Kiang Nangbah.

Kane ka jingialang kadei kaba la pynbeit da ka KSU Khliehriat ha ryngkat ka FKJGP, HNYF bad ka RBYF.

U Cherity D Suja, general secretary KSU Khliehriat Circle, East Jaintia Hills ula ong ba kane ka jingialang kadei ban pynshai paidbah halor ka jingpyrshah iaka CAA bad ka jingdawa ban pyntrei kam noh mardor ia ka ILP ha jylla namar ka jingma ka ap ïaka jaidbynriew rit paidbah jong ngi hadien ba ka sorkar pdeng kala pynlong aiñ ïaka CAA ban pynioh syrnod nongshong shnong ka ri India ïaki poiwir.